Молитва ко Пресвятей Троице

от Преподобнаго отца нашего Сергия, игумена Радонежскаго и всея России чудотворца

Безначальный, Присносущный и Всемогущий Господи — Боже Отче Вседержителю, Боже Сыне Искупителю мира, Боже Душе Святый, Утешителю и Просветителю рода человеча! Единый по Существу, в Троице же Святых Ипостасей пребываяй, Истинный Боже, создавый человека по образу и по подобию Своему причастия ради благости Твоея Боже-ственныя и в население места на Небесех, из негоже изринове-ни быша сопротивлыниися гордостию духове; славою Небесных дарований украсивый и честию обладания мира почтый его и падшаго не отринувый до конца, но по Твоим естественным щедротам благостию и милосердию взыскавый и на первое достоинство возведый.

Сам, Владыко Человеколюбче, и ныне яви Твое человеколюбие непреложное, покажи благоутробие неизменное, никогда же оскудеваемое. Удиви милость Твою непобедимую на избранием Твоем стаде, утверди милосердие Твое неизреченное на рабех Твоих, верою Тебе служащих. Сохрани Святую Твою, Соборную и Апостольскую Церковь во веки непозыбле-му, яко да и врата адова не одолеют ей. Спаси люди Твоя Российския и благослови достояние Твое. Соблюди страну нашу на многа лета во благоденствии, утверди ю во век века до всемирнаго пременения. Спаси, Царю Небесный, имже вручил еси паству словеснаго стада Твоего, Великаго Господина и Отца нашего Святейшаго Патриарха Пимена, Преосвященныя митрополиты, архиепископы и епископы, преподобныя архимандриты и игумены и весь чин священнический, диаконский и иноческий и весь причет церковный.

Снабдевай, Всемилостивый Творче, святую Обитель сию до кончины веков, яко виноград Свой [ему же мною, рабом Твоим, изволил еси насаждену быти.]

Подаждь, Всещедре Господи, властем единомыслие, благосоветие, воем крепость непобедимую, всем же общеправославным христианом здравие, мир и благолепие, вся нужная во изобилии, изряднее же оставление согрешений и вся, яже суть на пользу спасения. На землю же достояния Твоего низпосы-лай росу доброугодную, дождь благовременный, ветры здра-выя, обилие земли обетованныя, да тако людие Твои, имущи благочестие со довольством, благодарение Тебе, всяких благ Подателю, выну возсылают, славят же и воспевают всехваль-ное Имя Твое зде непрестанно, а преселыпеся во страну Небесную, на места обителей, Тобою уготованных им, хвалят Тебе, Бога в Троице Единаго, и славят с Небесными Силами и со всеми, от века Тебе угодившими, в бесконечныя веки веков. Аминь.

Должно же сию молитву глаголати в молении и прочим настоятелем и иеромонахом, кроме того речения, еже в красном окружении.

(Молитва Преподобного Сергия ко Пресвятой Троице публикуется по сборнику 3-й четверти XVII века—ГИМ, Син. № 2 (ГН. 511), лл. 8-9.)