Обеты монашества

Отверзи твоего сердца ушеса, о брате, и услыши глас Господень глаголющь: приидите ко Мне, вси груждающиися и обремененнии, и Аз упокою вы; возьмите иго Мое на себе, и научитеся от Мене, яко кроток есмь и смирен сердцем, и обрящете покой душам вашим. Ныне убо, противу коемуждо вопрошению, подобающий ответ со страхом и радостию отдаждь Богу; известно же веждь, яко Сам Спаситель наш, со препетою Своею Материю, и святыми Ангелы, и всеми святыми Своими зде прииде, внушая исходящая от тебе словеса; да егда приидет судити живым и мертвым, воздаст тебе, не по емуже имаши обещатися и исповедати, но по емуже аще сохраниши, яже исповеси. Темже ныне, аще воистинну приступавши к Богу, со всяким вниманием отвещай нам, противу ихже нами вопрошен быти имаши.

Желаеши ли сподобитися ангельскому образу, и вчинен быти лику инокующих?

— Ей, Богу содействующу, честный отче...

Вольным ли своим разумом, и вольною ли своею волею приступавши ко Господу?

—    Ей, Богу содействующу, честный отче... Не от некия ли нужды или насилия?

—    Ни, честный отче.

Отрицавши ли ся мира и сущих в мире по заповеди Господней?

— Ей, честный отче.

Пребудеши ли в монастыри сем, или в немже ти от святаго послушания повелено будет, и в постничестве, даже до последня-го твоего издыхания?

— Ей, Богу содействующу, честный отче.

Сохраниши ли ся в девстве и целомудрии и благоговении даже до смерти?

— Ей, Богу содействующу, честный отче.

Сохраниши ли даже до смерти послушание ко игумену и ко всей о Христе братии?

— Ей, Богу содействующу, честный отче.

Пребудеши ли до смерти в нестяжании и вольней Христа ради во общем житии сущей нищете, ничтоже себе самому стяжавая, или храня, разве яже на общую потребу, и се от послушания, а не от своего произволения?

— Ей, честный отче, пребуду Богу споспешествующу. Виждь, чадо, какова обетования даеши Владыце Христу,

Ангели бо предстоят невидимо, написующе исповедание твое сие, о немже и истязай будеши во Второе Пришествие Господа нашего Иисуса Христа... Подобает убо и нам подражателем Его быти, и Его ради вся претерпети, преспевающим в заповедех Его день и нощь. Сам бо Господь рече: аще кто хощет вслед Мене ити, да отвержется себе, и возьмет крест свой, и вслед Мене да идет; еже есть готову присно быти, даже до смерти, на всякое исполнение заповедий Его. Ибо алкати имаши и жаждати, досаду же подъяти и укоризну, поношение же и гонение, и инеми многими отяготитися скорбьми, имиже сущий по Бозе живот начертавается. Егда же сия вся постраждеши, радуйся, рече Господь, яко мзда твоя многа есть на небесех; Емуже слава во веки. Аминь.

Приемлеши ли вся иноческаго общежительнаго жития уставы и правила, от святых отец составленная, и от настоятеля тебе подаемая?

— Ей, честный отче, приемлю, и с любовию лобызаю я. Претерпиши ли всякую тесноту, и скорбь иноческаго жития,

Царствия ради Небеснаго?

— Ей, Богу споспешествующу, честный отче.

Сия вся тако ли исповедавши упованием силы Божия, и в сих обетех пребывати обещавши ли ся даже до кончины живота твоего, благодатию Христовою?

— Ей, Богу содействующу, честный отче...

Се Христос невидимо зде предстоит; виждь, яко никтоже тя принуждает прийти к сему образу; виждь, яко ты от своего произволения хощеши обручение великаго Ангельскаго образа.

— Ей, честный отче, от своего произволения.

Рече Господь: иже любит отца, или матерь паче Мене, несть Мене достоин: и иже любит сына, или дщерь паче Мене, несть Мене достоин. И иже не приимет креста своего, и вслед Мене грядет, несть Мене достоин. Приидите ко Мне, ecu труждающиися и обремененнии, и Ач упокою вы. Возмите иго Мое на себе, и научитеся от Мене, яко кроток есмь и смирён сердцем: и обрящете покой душам вашим. Иго бо Мое благо, и бремя Мое легко есть (Мф. 10, 37—38: 11, 28 — 30).